हाम्रो बारेमा

विद्यालय सम्बन्धी जानकारी: केही समाजसेवी र बुद्धिजीवी, साथै साविकको वाइसी बिआरवा र हालको पुनर्वास नगरपालिका वडा नं. १, पुरैनाका बासिन्दाहरूको सक्रियतामा वि.सं. २०२० मा 'श्री राम बुद्ध प्राइमरी स्कूल' को नाममा यस विद्यालयको स्थापना भएको थियो । त्यस समयमा भौतिक अवस्था कमजोर भएकाले, ३/४ को टिनको छाप्रोमा कक्षा १ सञ्चालन गरिएको थियो । वि.सं. २०२४ पुस १ गतेदेखि विद्यालय सहयोग समितिको सक्रियतामा कक्षा १ देखि ५ सम्म पठनपाठन भएको थियो । त्यसबेला यस क्षेत्रका अभिभावकहरू आर्थिक रूपमा विपन्न भए पनि, विद्यालय शुल्क र चन्दा सङ्कलन गरी विद्यालय सञ्चालन भएको थियो । अभिभावकहरूको सक्रियतामा वि.सं. २०४७ कार्तिक १६ गते जिल्ला शिक्षा कार्यालयबाट अस्थायी स्वीकृति प्राप्त गरेको थियो । त्यसबेला सहयोग समितिमा सभापति स्व. प्रजापति जोशी र कोषाध्यक्ष स्व. परमानन्द पन्त हुनुहुन्थ्यो । आर्थिक कठिनाइ पार गर्दै वि.सं. २०६९ मङ्सिर १५ गते यस विद्यालयले स्थायी स्वीकृति सहित २ जना शिक्षक दरबन्दी प्राप्त गर्‍यो । सोही बेला श्री राम बुद्ध प्राइमरी स्कूलबाट श्री राम बुद्ध प्राथमिक विद्यालय नामाकरण गरियो । विद्यालयको प्रधानाध्यापक पदमा श्री नन्दराम पाण्डे रहनुभयो । वि.सं. २०७६ मा विद्यालय साविकको दोदा नदीको किनारबाट हाल अवस्थित स्थानमा सारियो । वि.सं. २०७८ मा विद्यालय क्षेत्रका अभिभावकहरूको सक्रियतामा ६ कोठे भवनको निर्माण गरियो ।

वि.सं. २०७९ मा पुनः २ जना शिक्षक दरबन्दी थप भयो । त्यसबेला सञ्चालक समितिका अध्यक्ष स्व. दुर्जन राना हुनुहुन्थ्यो । वि.सं. २०८० मा पुनः एक जना शिक्षक दरबन्दी थप भयो । वि.सं. २०८३ मा वि.व्य.स. अध्यक्ष स्व. सोनु राना हुनुभयो । वि.सं. २०५४/०५/०५ देखि निजी स्रोतबाट नि.मा.वि. तह कक्षा ६ सञ्चालन भई प्राथमिक विद्यालयबाट श्री राम बुद्ध नि.मा.वि. नामाकरण गरियो । वि.सं. २०६५ मा मा.वि. तह कक्षा ९ र वि.सं. २०६६ मा कक्षा १० सञ्चालन गरियो । भौगोलिक अवस्था: यो विद्यालय कञ्चनपुर जिल्ला पुनर्वास नगरपालिका वडा नं. १ पुरैना गाउँमा अवस्थित छ । यो विद्यालय जनजाति राना थारु, चौधरी र पहाडी समुदायको बस्तीको बीचमा अवस्थित छ । यस विद्यालयको दक्षिणतर्फ बेलौरी धनगढी हुलाकी सडक, श्री मालिका आधारभूत विद्यालय महेन्द्रबस्ती र श्री शान्ति मा.वि. अंशुवर्माबस्ती पर्दछन् । उत्तरतर्फ नकटाबाबा शिव मन्दिर र कालेश्वर आधारभूत विद्यालय भुसुण्डा छन् भने पूर्वतर्फ श्री ऐश्वर्य आधारभूत विद्यालय अमरैया र श्री जनशक्ति आधारभूत आवि बलभद्रबस्ती छन् । पश्चिमतर्फ श्री सरस्वती आधारभूत विद्यालय र कञ्चन न्यु ब्लुफिल्ड एकेडेमी रहेका छन् ।